BdT 389.3 — Aissi mou

«Aissi mou» di Raimbaut d'Aurenga (BdT 389.3): testo completo, 103 versi con annotazione sintattica e bibliografia di riferimento.

Raimbaut d'Aurenga — BdT 389.3

  1. Aissi mou
  2. un sonet nou,
  3. on ferm e latz
  4. chanson leu,
  5. pos vers plus greu
  6. fan sorz dels fatz:
  7. qu’er er vist,
  8. pos tan m’es quist,
  9. cum sui senatz;
  10. si cum sol,
  11. fora mos cors vesatz;
  12. mas camjar l’ai pos quecs o vol.
  13. Tot m’es nou
  14. quan vei, si·m mou
  15. fin’amistatz;
  16. far puosc greu
  17. vas que dic leu
  18. mas voluntatz.
  19. tant ai quist,
  20. que ai ben vist
  21. cum poja gratz;
  22. qu’al mo vol
  23. for’ eu fort aut pojatz:
  24. anquer es mos gratz lai on sol.
  25. Tant ai prim
  26. mon cor quan rim
  27. que·ls adiratz
  28. tem de loing;
  29. mas de pres poing,
  30. cum fos amatz,
  31. per cel joi
  32. don fals ni croi
  33. non an solatz
  34. trop derrenc!
  35. car dic qu’il m’am; qu’assatz
  36. fai si·m sofre qu’eu l'am sovenc.
  37. Amors, rim
  38. co·s voilla prim;
  39. pos m’es de latz
  40. en que poing?
  41. qu’ab colp de loing
  42. son pres nafratz;
  43. tot m’es croi
  44. quan d’autre joi
  45. sol me tocatz.
  46. si no·us venc,
  47. amors, mala fui natz!
  48. que posc’ amar e mens ric renc!
  49. Ges un sou
  50. non pretz, quan plou
  51. si·m sui moillatz,
  52. freig ni neu;
  53. tant ai pes breu
  54. del joi qe·m platz;
  55. mas, per Crist,
  56. pos mi fai trist
  57. quan pes iratz:
  58. ‘Cor ai fol
  59. car am sol ses solatz:
  60. aissi torn mon bon pes en dol.
  61. Era·m plou!
  62. que·m fai un ou
  63. trichan ses datz;
  64. et, en breu,
  65. vei cazer neu.
  66. anz es estatz;
  67. Tant ai trist
  68. mon cor per Crist,
  69. totz sui camjatz —
  70. qu’er ai dol
  71. et er ai gaug viatz;
  72. ve·us m’en savi e ve·us m’en fol.
  73. Quand nos vim,
  74. sempr’ es al cim
  75. mos cors ausatz
  76. pois d’als soing
  77. non ac, ni·s joing
  78. vas autre latz;
  79. per que coi
  80. qu’alres m’enoi:
  81. ‘Trop l’am! — Non fatz!’
  82. Lai la tenc
  83. eu quant al cor platz,
  84. qu’anc pos la vic d’als no·m sovenc.
  85. Sus d’aut cim
  86. fui quand nos vim,
  87. jos davallatz
  88. si no·s joing
  89. so dont ai soing;
  90. mas ni guidatz
  91. qu'il m'enoi
  92. lui n’ennoi.
  93. Amors, pro·m coi!
  94. D’ella penssatz?
  95. No·us sovenc
  96. anc de lai mas mi datz
  97. la mort, car vezetz que no m tenc
  98. Trop mi tenc
  99. que lai non sui anatz
  100. saber d’amor s’anc l’en sovenc.
  101. No·m sovenc
  102. anc d’ela, so sapchatz,
  103. mas una vetz que·m vi e·m tenc.