BdT 389.17 — Assaz m’es belh

«Assaz m’es belh» di Raimbaut d'Aurenga (BdT 389.17): testo completo, 75 versi con annotazione sintattica e bibliografia di riferimento.

Raimbaut d'Aurenga — BdT 389.17

1. Assaz m’es belh                 
2. que de novelh                   
3. fassa parer                     
4. de mon saber                    
5. tot plan als prims sobresabens  
6. que van comdan                  
7. qu’ab sen d’enfan               
8. dic e fatz mos captenemens;     
9. e sec mon cor                   
10. e·n mostri for                  
11. tot aisso don ilh m’es cossens. 
12. Qui qu’en favelh,               
13. lo m’es pro belh                
14. de mon saber:                   
15. qu’en sai mielhs ver            
16. (sitot no suy mout conoyssens)  
17. que·l trop parlan               
18. que van comdan                  
19. “Folhs es. — Non es. — Si es sos sens.”
20. Qu’ar tost salh for                    
21. ab belh demor                          
22. gen motz leugiers, cortes, valens.     
23. Ab sen novelh                          
24. dic e favelh                           
25. mon saber ver                          
26. e·l fas parer                          
27. lay on tanh que sia parvens;           
28. que son enfan                          
29. li mielhs parlan                       
30. vas me; e sai qui·m n’es guirens,      
31. ab que·m demor                         
32. gen dins mon cor                       
33. si que·l dir no·m passa las dens.      
34. Don d’amar dic:                        
35. qu’am si ses tric                      
36. lieys qu’amar deg,                     
37. que·l miels adreg                      
38. (s’eron sert cum l’am finamens)        
39. m’irion sai                            
40. preguar hueymai                        
41. que·ls essenhes cum aprendens          
42. de ben amar;                           
43. e neus preguar                         
44. m’en venrion dompnas cinc cens.        
45. Ben ai cor ric                         
46. plus qu’ieu non dic                    
47. e tan adreg                            
48. que ducx ni reg                        
49. no prez, si no·m prez’ eissamens;      
50. a cuy no·m play,                       
51. ieu suy de say;                        
52. et amarai mos bevolens.                
53. No vuelh preguar,                      
54. que miels m’er car                     
55. q’om mi prec, qu’ieu prec manhtas gens.
56. L’enojos tric,                         
57. sian del ric                           
58. sobeiran reg                           
59. maudig, e deg                          
60. dels janglos parliers maldizens!       
61. Gic m’en hueymai,                      
62. que·l dir no·m plai                    
63. tan m’es lur mentaure cozens!          
64. Que s’il tug car                       
65. meron, amar                            
66. no·ls poiria, que·l cor m’en vens.     
67. Pauc sap d’amar                        
68. qui tem preguar                        
69. Deu, qu’el maldia los manens.          
70. E·t voill pregar,                      
71. vers, ab diz car                       
72. que lai en Urgel te prezens,           
73. Ab talen car                           
74. si·m fai amar.                         
75. E·l bon esper qu’eu n’ai guirens!