BdT 29.1 — Amors e iois e luecs e temps

«Amors e iois e luecs e temps» di Arnaut Daniel (BdT 29.1): testo completo, 50 versi con annotazione sintattica e bibliografia di riferimento.

Arnaut Daniel — BdT 29.1

  1. Amors e iois e luecs e temps
  2. me fan tornar lo sen enderc:
  3. d'aquel ioi c'avia l'autr'an
  4. can chassava lebr'a bou,
  5. ara·m va mieils d'amor e peis
  6. car ben am, d'aizo·m clam astrucs,
  7. mas non-amatz ai nom anquars
  8. s'amors no venz son dur cor e·l mieus precs.
  9. Cel que totz bes pert a ensems
  10. mestiers l'es que rics segniors cerc
  11. per restaurar la perd'e·l dan,
  12. que·l paubres no·ill valri'un ou:
  13. per zo m'ai eu chauzit en leis
  14. don anc non aic lo cor ni·ls oils clucs
  15. e pliu·t, amors, si la·m conquers,
  16. trevas tostemps ab totas fors dels dets.
  17. Pauc pot hom valer de ioi sems:
  18. per me·l sai que l'ai agut berc,
  19. car per un sobrefais d'afan
  20. don la dolor del cor no·s mou...
  21. e s'ab ioi l'ira non foreis
  22. tost m'auran mei parent faducs,
  23. pero tal ha mon cor convers
  24. qu'en leis amar volgra morir senecs.
  25. Non sai un tant si'en Dieu ferms,
  26. ermitan ni morgue ni clerc,
  27. con eu sui seleis de cui chant,
  28. et er proat anz de l'an nou:
  29. liges soi seus meils que demeis,
  30. si·m fora eu si·m fos reis o ducs,
  31. tant es en leis mos cors enmers
  32. que s'autra·n voil ni·n deing, donc si'eu secs.
  33. D'aizo que ai duptat e crems
  34. creis ades e meillur e·m derc,
  35. que·l reproers c'auzi antan
  36. me dis que tan trona tro plueu,
  37. e s'iu mi pec cinc anz o seis
  38. benleu, can sera blanc mos sucs,
  39. iauzira zo per qu'er sui sers,
  40. c'aman preian s'afranca cor ufecs.
  41. De luencs suspirs e de greus gems
  42. mi pot trair cella cui m'aerc,
  43. c'ades sol per un bel semblan
  44. n'ai mogut mon chantar tot nou:
  45. contramon vauc e no m'encreis,
  46. car gent mi fai cuiar mos cucs;
  47. cor, vai sus: ben fai si·t suffers;
  48. sec tan qu'en lieis c'ai encubit no·t pecs.
  49. Anz er plus vils aurs non es fers
  50. c'Arnauz desam leis ont esfer manz necs.