BdT 389.2 — Ab vergoinha part marrimentz

«Ab vergoinha part marrimentz» de Raimbaut d'Aurenga (BdT 389.2): texto completo, 47 versos con anotación sintáctica y bibliografía de referencia.

Raimbaut d'Aurenga — BdT 389.2

  1. Ab vergoinha part marrimentz
  2. chantarai, mas eu no·n pusc als;
  3. car vergoinha deu ben aver
  4. qui es en gran benenansa
  5. e puix, ja per dreit ni per tort,
  6. la pert, com c’ama finamentz.
  7. Mas eu no paresc tan dolentz
  8. com so, per que m’en ve grans mals;
  9. mas Deus, c’a midons met voler
  10. que·m faza mala semblanza,
  11. no·m pot mais mal far de mort
  12. e d’aquel eus serai jausentz.
  13. E si d’aizo no son crezentz
  14. no·n pusc als; mas Dieus, qu’es leyals,
  15. no·n pusc als; mas Dieus, qu’es leyals,
  16. me don encar ogan un ver
  17. ho c’om en escut freig m’en port;
  18. e puix er l’envejos manentz.
  19. E qui·l ditz zo qued eu li mentz,
  20. per que ma dona·m ten per fals —
  21. mas seinors! — cal pro pot tener
  22. qui zo pert per devinanza,
  23. don bon amic son en descort?
  24. Et el men suau per las dentz.
  25. Mas ples es de vilas talentz
  26. istz lausengiers ab ditz venals,
  27. si que un rei cuja valer
  28. s’a totz en ditz en romanza
  29. zo que·l sembla per fat deport,
  30. don camja bos cors e bos sentz
  31. Per que, madon’, es faillimentz
  32. qui cre tot cant au dels aitals;
  33. e vos, s’anc m’ametz jorn ni ser,
  34. donc com fotz anc en duptanza
  35. qu’eu faillis vas vos tan de tort?
  36. Mas zo sai que·us dol mos turmentz.
  37. Don vau ‘nvers e truis examentz
  38. si que paresc fols naturals;
  39. e farai totz tems, zo esper,
  40. tro·m tornetz en alegranza
  41. e·m perdonetz ses mal resort
  42. lo tort qu’eu non ai, qu’es parventz.
  43. E donc en breu, ses duptanza,
  44. per merce·m tornatz en acort
  45. si no·us platz ma mort o·l valentz!
  46. Car me sen vas Amor ses tort
  47. vos en prec tan ardidamentz