BdT 293.7 — Ans que·l terminis verdei

«Ans que·l terminis verdei» de Marcabru (BdT 293.7): texto completo, 56 versos con anotación sintáctica y bibliografía de referencia.

Marcabru — BdT 293.7

  1. Ans que·l terminis verdei
  2. chantarai et ai ben drei.
  3. Qui que d’amor s’esbaudei,
  4. ieu no·n ai ni so ni quei.
  5. A nuill home que dompnei
  6. no quier peior malavei:
  7. Be mor de fam e de frei
  8. qui d’amor es en destrei!
  9. Amor no vueill ni dezir,
  10. tan sap d’engan ab mentir;
  11. per aiso vos ho vueill dir
  12. c’anc d’amor no·m puec jauzir.
  13. Tan l’en vueill mal e l’en azir
  14. can m’en membra me fai languir.
  15. Fals fui per amor servir,
  16. mas vengut em al partir.
  17. Per amor sueill esser guais,
  18. mas no·u cerai ja mais,
  19. c’una·m n’enguanet e·m trais,
  20. per que m’en gurp e m’en lais.
  21. Ben es cargatz de fol fais,
  22. qui d’amor es en pantais!
  23. Senher Deus, quan mala nais,
  24. qui d’aital foudat se pais!
  25. C’amors es plena d’enguan
  26. per aver, s’o vai camjan,
  27. e·ls plus pros torn’en soan,
  28. que·l malvatz l’aura enan.
  29. Ja non anetz dompneian
  30. ses deners et al afan!
  31. Amors que vai mercadan
  32. a diables la coman.
  33. D’amos vos dirai com es:
  34. si valiatz un marques,
  35. ja no·us en fasatz cortes
  36. pos d’aver non auretz ges.
  37. Si n’aves donat e mes,
  38. no·us er prezat un poges;
  39. ja no·us hi valra merces
  40. pos vos er faillitz l’avers.
  41. Qu’ieu dic als dompneiadors
  42. que van d’amor consiros:
  43. no s’en fasson cobeitos,
  44. e poiri’eser lur pros.
  45. C’asatz es benaüros
  46. qui d’amar es talantos;
  47. que qui trop es abduros,
  48. be·n torna del caul al tros.
  49. La chansoneta rema;
  50. no·n dic plus a en Perma.
  51. Tal s’en fan d’amor casla
  52. deurion trichar de pla.
  53. Drutz que·s fai semblar Baza
  54. per amor que fols i fa.
  55. Ja el no·s senh ab sa ma
  56. cui amors enguanara!