BdT 29.3 — Ans que sim reston de·ls brancas

«Ans que sim reston de·ls brancas» de Arnaut Daniel (BdT 29.3): texto completo, 45 versos con anotación sintáctica y bibliografía de referencia.

Arnaut Daniel — BdT 29.3

1. Ans que sim reston de·ls brancas
2. sec, ni despuelhon de foilla
3. fas, car amors m'o comanda,
4. breu chanson de rason loinga
5. que gen m'aduz de las ars de s'escola:
6. tant sei que·l cors faz restar de suberna
7. e mos bous es plus corens non es leubres;
8. c'ab razos coindas e franchas
9. m'a mandat qu'eu no m'en tuoilla
10. ni serva autra ni blanda
11. mas tant fai c'ab si m'acoinga,
12. e·m di que flor no·l semble de viola
13. que·m camge leu sitot noncas iverna,
14. ans per s'amor sia laurs o genebres:
15. e tu, c'o aus, non t'afrancas
16. per respieg c'amar no·t [c]oilla;
17. sec si·t defui ni·t fai ganda,
18. mas greu er c'om no·i apoinga:
19. qui s'afortis de preiar mas non cola,
20. qu'eu·n passera part la palus d'Userna,
21. Mons Pelegrins, o lains on cor Ebres.
22. S'eu n'ei passatz pons ni planchas
23. per lei, cuidatz vos que·m duoilla?
24. Non faz, c'ab joi ses vianda
25. me sap far mecina coinga
26. baisan tenen, e·l cors, sitot si vola,
27. no·s part de lei que·m capdella e·m governa:
28. cors, on qu'eu an, de lei no·t pars ni sebres.
29. Dis tu caillors non t'estanchas
30. per autra que·t deing ni·t cuoilla?
31. Tos plaitz esquiva e desmanda
32. sai e lai, qui que·t somonga,
33. que ses clam faill qui si mezeis afola,
34. e tu non fassas per qu<e> hom t'esquerna,
35. mas apres Deu leis honors e selebres,
36. que de Paris tro a Sanchas
37. genser nos vest ni·s despuoilla,
38. e sa beutatz es tan granda
39. que semblariaus mesoinga:
40. bem vai d'amors que m'embrass'e·m percola,
41. per que no·m pot frezir ne·us ni buerna
42. ni·m fai dolor nuls mals gota ni febres,
43. qu'eu sui Arnautz del si·m tro en la sola
44. e non volges sens leis aver Luserna
45. ni·l seignoriu del reion que cor Ebres.