BdT 29.4 — Er vei vermeils, vertz, blaus, blancs…

„Er vei vermeils, vertz, blaus, blancs, groecs“ von Arnaut Daniel (BdT 29.4): vollständiger Text, 45 Verse mit syntaktischer Annotation und Referenzbibliografie.

Arnaut Daniel — BdT 29.4

  1. Er vei vermeils, vertz, blaus, blancs, groecs
  2. vergiers, plais, plans, tertres e vals,
  3. e·l baus dels ausels sona e tint:
  4. ab els m'acort matdi e tart;
  5. zo·m met el cor qu'ieu colore mon chan
  6. d'un'atal flor don I'espoutz si'amors
  7. e iois lo gras e l'olors d'enui gandres.
  8. D'amor mi pren pensan lo fuecs
  9. e·l desiers fiz e corals
  10. e·l mals es saboros que·m sint
  11. e·l flama suaus on plus m'art,
  12. c'amors enquer los seus d'aital semblan,
  13. verais francs finz merceanz partedors,
  14. car en sa cort notz orgoils e val blandres.
  15. Entr'autres faiz soven feing iocs
  16. e·l iorns sembla·m us anoaus
  17. e pessa·m: Car Deus no·m cossint
  18. cum posca temps breviar ab art?
  19. car loncs espers fai langir fin aman;
  20. lun'e soleils, trop faitz lonc vostre cors:
  21. peza·m car plus soven no·us fail resplandres.
  22. Maintas vez m'essolatz'enuocs
  23. d'altras,mas de lei voil savals
  24. adesdir lo cart mot o·l quint,
  25. que·l cor no teng vas autra part:
  26. per cho n'ai d'al desirer ni telant
  27. qu<e> ill m'es de toz bos sabers sabors
  28. e vec m'el cor s'er'en Puil'o en Flandres.
  29. A! mi non camia temps ni luecs,
  30. conseils, aizina, bes ni mals,
  31. e s'ieu al meu enten vos mint
  32. ia mais la bella non regart
  33. qu'el cor e·l sens i teing dormen veillan.
  34. qu'eu no volges mas per gein trevaillors
  35. esser ses lieis on plus valc Alixandres.
  36. Molt desir qu'anquer li fos cux
  37. o·m n'eschaia aitals iornals
  38. qu<e> eu·n viuria d'anz mais vint:
  39. c'anquer vai,cor, baut e galiart!
  40. Va, be soi fols que vau doncs als cerchan,
  41. mas eu no voil lai on son las richors
  42. bailir que clauon Tigres e Menandres.
  43. A lei cui son vai, chansons, derenan,
  44. c'Arnauz no sap comtar sas granz richors,
  45. que d'auzor cen li auria ops espandres.