BdT 293.8 — Assatz m’es bel el temps essuig

«Assatz m’es bel el temps essuig» de Marcabru (BdT 293.8): text complet, 61 versos amb anotació sintàctica i bibliografia de referència.

Marcabru — BdT 293.8

  1. Assatz m’es bel el temps essuig
  2. qand la douz gem e la fonz bruig
  3. e son li prat reverdezit,
  4. pesa·m de joven car s’en fuig,
  5. c’a penas troba qui·l convit.
  6. Ben son ist ganador destruig,
  7. q’ant l’un pechat a l’autr’aduig,
  8. el fuoc del malign esperit,
  9. que fai dir de l’enfan: «So·m cuig,
  10. mieus es» – ditz cel qe l’a noirit.
  11. Savis es qui lo fuoc destreing
  12. q’estra grat sobre lui non reing;
  13. qe puois lo fuocs l’aura envazit,
  14. son ardimen c’a, del sieu gieing,
  15. tart remanra senes mal crit.
  16. Moillerat, segon l’endeveing
  17. qe·us es a venir vos enseing!
  18. – Mas si m’ant [per] espaorit
  19. c’usqecs n’a son coratge teing,
  20. perque no m’es engal grazit.
  21. Aco·m fo tant fer ni esqiu,
  22. q’estrain qisesen autrui niu;
  23. mas aras s’en son esbaudit
  24. si q’el camin descobertiu
  25. van assegurat e plevit.
  26. Tant cremon lo feu q’ieu vos diu:
  27. la flama, la brasa e·l caliu,
  28. c’ar de tant se son enfrezit –
  29. qe bravas en son e braidiu
  30. las moillers e·il drut e·il marit!
  31. Qui m’entend ja si eu dic be?
  32. Q’ara·m membra... De qe·m sove?
  33. D’un volpillatge e d’un ardit
  34. c’ai agut puois fui pros ancse,
  35. et ancaras no m’a giquit.
  36. De sol la paor ai faich fre,
  37. qe maiormen aura faich me
  38. plus fort d’un caval arabit;
  39. e si l’agues faich d’autra re,
  40. mos ardimens m’agra enriquit.
  41. Mon volpillatge teing tant car
  42. q’el m’enseigna de cui mi gar:
  43. de gran fol e d’enfan petit;
  44. e deu me tres vetz doctrinar
  45. mon affar anz que sia auzit.
  46. Mon ardimen non dei laissar,
  47. n’i creire de tot mon affar;
  48. ni nuills autre no m’a desdit
  49. qe leu de mon privat disnar,
  50. c’aventur’a de joi partit.
  51. Moillerat, tuich estes a frau,
  52. que chascus rendetz mau per mau;
  53. mas tot vos er contramerit;
  54. et ieu guiarei vas Angau!
  55. «Guianna!» cridon en Peitau,
  56. «Valia dissend contra vau!»
  57. E qui d’escaravaich fait guit,
  58. en avol luoc perpren ostau.
  59. Per so son Angevin aunit,
  60. qui d’escarabot fai guit
  61. en avol luoc perpren ostau.